2009.11.05
ﺳﯜﺭﻩﺕ، 2009 - ﻳﯩﻠﻰ 11 - ﺋﺎﻳﻨﯩﯔ 1 - ﻛﯜﻧﻰ ﺋﯩﺴﺘﺎﻧﺒﯘﻟﻨﯩﯔ ﻓﻪﺳﻬﺎﻧﻪ ﻳﯩﻐﯩﻦ ﺯﺍﻟﯩﺪﺍ ﺋﯚﺗﻜﯜﺯﯛﻟﮕﻪﻥ ›ﺗﺎﺷﻘﻰ ﺗﯜﺭﻛﻠﻪﺭ ﯞﻩ ﻗﯧﺮﯨﻨﺪﺍﺵ ﺧﻪﻟﻘﻠﻪﺭ‹ ﻧﺎﻣﻠﯩﻖ ﻳﯩﻐﯩﻨﺪﺍ، ﺩ ﺋﯘ ﻕ ﻣﯘﺋﺎﯞﯨﻦ ﺭﻩﺋﯩﺴﻰ ﺳﯩﻴﯩﺖ ﺗﯜﻣﺘﯜﺭﻙ ﺋﻪﭘﻪﻧﺪﻯ ﻗﺎﺗﺎﺭﻟﯩﻘﻼﺭ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻓﺎﺭﯗﻕ ﭼﯧﻠﯩﻜﻜﻪ ﺗﻪﺷﻪﻛﻜﯜﺭ ﺋﯧﻴﺘﯩﭗ ﭼﯩﻤﻪﻥ ﺩﻭﭘﭙﺎ ﯞﻩ ﺋﯘﺯﯗﻥ ﺗﻮﻥ ﻛﯩﻴﮕﯜﺯﮔﻪﻥ ﻛﯚﺭﯛﻧﯜﺵ.
بۇ يىغىندا تۈركىيە دۆلەت مىنىستىرى فارۇق چېلىك سۆز قىلىپ باش مىنىستىرلىق تارمىقىدا تۈركىي مىللەتلەر باشقارمىسى نامىدا بىر ئىدارە قۇرۇلىدىغانلىقىنى، بۇ ئىدارىنى قۇرۇشتىكى مەقسەتنىڭ دۇنياۋىيلىشىۋاتقان كۈنىمىزدە تۈركىيىنى دۇنياغا تونۇتۇش شۇنداقلا دۇنيانىڭ ھەر قايسى جايلىرىدا ياشاۋاتقان تۈركىي مىللەتلەرنىڭ مەسىلىلىرىنى ھەل قىلىش يوللىرىنى ئىزدەش ئىكەنلىكىنى ئېيتتى.
زىياپەت ئاخىرىدا، دۇنيا ئۇيغۇر قۇرۇلتىيى مۇئاۋىن رەئىسى سېيىت تۈمتۈرك باشچىلىقىدىكى شەرقىي تۈركىستان ئاممىۋىي تەشكىلات مەسئۇللىرى سەھنىگە چىقىپ، دۆلەت مىنىستىرى فارۇق چېلىككە، ئالدى بىلەن رابىيە قادىر خانىمنىڭ سالامىنى يەتكۈزگەندىن كېيىن، تۈركىيە جۇمھۇرىيىتى باش مىنىستىرى شۇنداقلا تۈرك خەلقىنىڭ 5 - ئىيۇل ئۈرۈمچى ۋەقەسى جەريانىدا ئۇيغۇرلارغا قىلغان ھېسداشلىقى ئۈچۈن رەھمەت ئېيتىدىغانلىقىنى بىلدۈرۈپ چىمەن دوپپا ۋە تون چاپان كېيدۈردى.
بىز قۇرۇلماقچى بولغان بۇ باشقارمىنىڭ ئۇيغۇر مەسىلىسىگە ۋە ئۇيغۇرلارغا قانداق پايدىسى بولار؟ تۈركىيىگە كېلىۋاتقان كۆچمەن ئۇيغۇرلارنىڭ كونكرېت مەسىلىلىرىنىڭ ھەل بولۇشىغا پايدىسى بولارمۇ؟ دېگەنگە ئوخشاش سوئاللارغا جاۋاب تېپىش ئۈچۈن د ئۇ ق مۇئاۋىن رەئىسى سېيىت تۈمتۈرك ۋە شەرقىي تۈركىستان ۋەخپى باش كاتىپى ھامۇت گۆكتۈرك ئەپەندىلەرگە مىكروفونىمىزنى ئۇزاتتۇق.
يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.