بۇ كۆرگەزمىنى كۆرۈش ئۈچۈن تەشكىللەپ ئەكەلگەن كىشىلەردىن، بېيجىڭدىكى ئىقتىسادشۇناس پېڭ دىڭدىڭ ›بۇ كۆرگەزمىدە ئۈرۈمچى ۋەقەسىنىڭ جاۋاپكارلىقى پۈتۈنلەي رابىيە قادىرغا ئارتىپ قويۇلغان. ئەمما مۇشۇ بىرنەچچە كۈن ئىچىدە، ئۈرۈمچىدە خىتايلار نامايىش قىلىپ تىغ ئۇچىنى رابىيە قادىرغا ئەمەس، بەلكى بىۋاستە ۋاڭ لېچۇەنگە قاراتتى. بۇ، ھېچقاچان بىر ئۇقۇشماسلىق ئەمەس‹ دېگەن.

›مەركىزى ئاگېنتلىقى’نىڭ بايان قىلىشىچە يەنە، بۇ كۆرگەزمىنى كۆرگەن تور يازغۇچىسى ياڭ خېڭجۈن ›ۋەقەنىڭ جاۋاپكارلىقى پۈتۈنلەي رابىيە قادىرغا ئارتىپ قويۇلغان بۇ كۆرگەزمىدىن، مەركىزى ھۆكۈمەتنىڭ ئۆزىدىكى خاتالىقلارنى يۇشۇرۇش ئۈچۈن ۋاڭ لېچۇەننى ئاغدۇرۇش مەقسىتى بارلىقىنىمۇ ھېس قىلدىم‹ دېگەن.

ئەمما شىنجاڭ ئىجتىمائى پەنلەر ئاكادېمىيىسىنىڭ تېرروچىلىققا قارشى تۇرۇش مۇتەخەسسىسى پەن جژپىڭنىڭ بۈگۈن ›مەركىزى ئاگېنتلىقى’غا، ھازىر ئۈرۈمچىدە نەچچە ئونمىڭلىغان خىتاي كۇچىلارغا چىقىپ نامايىش قىلىۋاتىدۇ، بۇ ھېچكىم قۇتراتمىغان ياكى تەشكىللىمىگەن نامايىش. ئەگەر ›يىڭنە سانجىش پارتىيىسى’نىڭ ھەرىكىتى ئالدىن ئالا زەربە بېرىش سىياسىتى بۇيىچە دەرھال ئۈزۈل – كۋسىل يۇقىتىلمىسا، ۋەزىيەتنىڭ ياخشىلىنىشىدىن ئۈمىد كۈتكىلى بولمايدۇ، دېگەن.