ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺋﺎﯞﺳﺘﺮﺍﻟﯩﻴﻪ ﺯﯨﻴﺎﺭﯨﺘﯩﻨﻰ ﻏﻪﻟﯩﺒﯩﻠﯩﻚ ﺋﺎﺧﯩﺮﻻﺷﺘﯘﺭﻏﺎﻧﺪﯨﻦ ﻛﯧﻴﯩﻦ، ﺋﺎﻣﯧﺮﯨﻜﯩﻐﺎ ﻗﺎﻳﺘﯩﺶ ﺋﺎﻟﺪﯨﺪﺍ ﻣﯘﺧﺒﯩﺮﯨﻤﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺋﺎﯞﺳﺘﯩﺮﺍﻟﯩﻴﻪ ﻫﯚﻛﯜﻣﯩﺘﯩﺪﯨﻦ ﺧﯩﺘﺎﻳﻨﯩﯔ ﺑﯧﺴﯩﻤﯩﻐﺎ ﺩﺍﯞﺍﻣﻠﯩﻖ ﻗﺎﺭﺷﻰ ﺗﯘﺭﯗﺷﻰ ﻛﯧﺮﻩﻛﻠﯩﮕﯩﻨﻰ ﺳﻮﺭﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ. ﺳﯜﺭﻩﺕ، ﺭﺍﺑﯩﻴﻪ ﺧﺎﻧﯩﻤﻨﯩﯔ ﺋﺎﺳﯟﺗﯩﺮﺍﻟﯩﻴﯩﺪﯨﻜﻰ ﻣﻪﻟﯘﻡ ﻳﯩﻐﯩﻠﯩﺸﺘﺎ ﺳﯚﺯ ﻗﯩﻠﯩﯟﺍﺗﻘﺎﻥ ﻛﯚﺭﯛﻧﯜﺷﻠﯩﺮﯨﺪﯨﻦ ﺑﯩﺮﻯ.

بېىجىڭ ئاۋىستىرالىيە ھۆكۈمىتىگە نارازىلىقىنى بىلدۇرۇش ئۈچۇن يۇقىرى دەرىجىلىك دىپلوماتلىرىنىڭ زىيارىتىنى بىكار قىلىشتىن ئىبارەت ۋاستىلارنى ئىشلىتىپ ئاۋىستىرالىيە  –  خىتاي مۇناسىۋىتىنى 10 يىلدىن بۇيانقى ئەڭ تۇۋەن ھالغا چۈشۈرۈپ قويدى،‏ –  دەپ باشلانغان بۇ ماقالىدە كېۋىن رادد ھۇكىمىتىنىڭ ئۇيغۇرلارنىڭ لېدىرى رابىيە قادىرغا مېلبورېن فىلىم فېستىۋالىغا قاتناشتۇرۇلغان » مۇھەببەتنىڭ 10 شەرتى» ناملىق فىلىم سەۋەبلىك ئاۋىستىرالىيىگە قىلغان زىيارىتى ئۈچۈن ۋىزا بەرگەنلىكتىن خىتاي، يۇقىرى دەرىجىلىك ئەمەلدارلىرىنىڭ ئاۋىستىرالىيىگە قىلىدىغان زىيارىتىنى ئەمەلدىن قالدۇرۇش، ئاخبارات ۋاستىلىرىنى ھەرىكەتكە سېلىپ ئاۋستىرالىيىگە قارشى غەۋغا كۆتۈرۈش ھەرىكەتلىرىنى داۋاملاشتۇرغانلىقى ئوتتۇرىغا قويۇلغان.

ئاۋىستىرالىيە تاشقى ئىشلار مىنىستىرىنىڭ باياناتچىسى ئاۋستىرالىيىنىڭ كەيرنىس ساياھەت گاھىدا 8 ‏ – ئاينىڭ 5 ‏ – كۇنىدىن باشلانغان پاسىفىك ئاراللىرى يىغىنىغا كەلمەكچى بولغان خىتاي تاشقى ئىشلار مىنىستىرلىقىنىڭ مۇئاۋىن مىنىستىرى خې يافىينىڭ سەپىرىنى بىكار قىلغانلىقىنى ئىيتىپ » ھۆكۈمىتىمىزنىڭ شىنجاڭ ئۇيغۇر ئاپتونوم رايونىغا نىسبەتەن پوزىتسىيىمىز ئىنىق تۇرسىمۇ، خىتاي ھۆكۈمىتىنىڭ سۇركىلىشنى بۇ دەرىجىگە كوتىرىشى بىزنى ئەپسۇسلاندۇرىدۇ،» دېگەنلىكىنى يازدى.

سىناتور جوىې لودۋىگ ھۆكۈمەتكە ۋاكالىتەن سوز قىلىپ، » رابىيە خانىمنىڭ تېررورچى ئىكەنلىكىگە ئائىت ھېچقانداق شۇبھىگە ئىگە ئەمەسمىز، ئەمما خىتاي رابىيە خانىمغا تىنىم تاپماي شۇنداق قارا چاپلاۋاتىدۇ» دېگەن.

ماقالىدە يەنە، خىتاي ھۆكۈمىتىنىڭ خىتاي شىركەتلىرىگە ئاۋىستىرالىيىگە مەبلەغ سېلىشتا ئويلىشىش ھەققىدە ئاگاھلاندۇرۇش بەرگەنلىكىنى يازغان.

ئاۋىستىرالىيىنىڭ بارلىق تېلىۋىزور قاناللىرى ئاۋىستىرالىيە تاشقى ئىشلار مىنىستىرى سىتىفىن سىمىسنىڭ پارلامىنتتا ئاۋىستىرالىيە   – خىتاي مۇناسىۋەتلىرى ھەققىدە سۇزلىگەن نۇتقىنى بەردى. ئۇ نۇتقىدا » بۇگۇنكى ئىقتىسادى كرىزىس مەزگىلىدە، گەرچە بىزگە مەلۇم دەرىجىدە قىيىنچىلىق ئېلىپ كېلىدىغان بولسىمۇ، رابىيە قادىرنىڭ زىيارىتىنى قارشى ئالغانلىقىمىزدىن پۇشايمان قىلمايمىز ۋە مەيدانىمىز تەۋرىمەيدۇ،» دېگەن.

يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.