2009.05.11
«ئەجدىھا بىلەن ئېلىشقان ئايال» ناملىق كىتاب، رابىيە قادىر خانىم ۋە گېرمان يازغۇچىسى ئالىكزادىرا كاۋېلىئۇس ئاپتورلۇقىدا 2007 – يىلى گېرمانىيىدە نەشر قىلىنغان » كۆكنى تىترەتكەن ئايال» ناملىق كىتابنىڭ ئىنگلىز تىلىدىكى نۇسخىسى بولۇپ، بۇ نۆۋەت ئامېرىكا، ئەنگىلىيە ۋە باشقا ئىنگلىز تىلى قوللىنىدىغان دۆلەتلەرگە بىردەك تارقىتىلدى.
خەۋەردە رابىيە خانىمنىڭ كىتابىدىكى تۆۋەندىكى جۈملىلەر نەقىل ئېلىنغان: » مەن خىتاي خەلقىگە قارشى كۈرەش قىلغىنىم يوق. ئەكسىچە مەن، نۇرغۇنلىغان خىتاي خەلقىگە ئوخشاشلا، دېموكراتىيە ئاساسىغا قۇرۇلغان ھۆكۈمەت ۋە چەكسىز كىشىلىك ھوقۇق ئۈچۈن كۈرەش قىلىۋاتىمەن.»
خەۋەردە كۆرسىتىشىچە، رابىيە قادىر خانىم مەزكۇر كىتابىنىڭ خىتاي تىلىغا تەرجىمە قىلىنىشىنى ئارزۇ قىلىدىغانلىقىنى بىلدۈرگەن ۋە خىتايدىن ئايرىلىش ئالدىدا بىر نەپەر خىتاي ھۆكۈمىتى خادىمىنىڭ ئۇنى چەتئەلدە ياشاش جەرياندا خىتاي خەلقىگە زىيان يەتكۈزىدىغان ھەر قانداق ھەرىكەتلەردە بولماسلىققا قەسەم قىلدۇرغانلىقى ۋە ئۆزىنىڭ بۇ ۋەدىسىدە تۇرۇپ كەلگەنلىكىنى كۆرسەتكەن.
22 – ئاپرېل، «ئەجدىھا بىلەن ئېلىشقان ئايال» ناملىق كىتابنىڭ ئىنگلىز تىلىدا نەشر قىلىنىش مۇناسىۋىتى بىلەن، «نيۇيورك ۋاقىت گېزىتى» دىمۇ چوڭ ھەجىملىك تونۇشتۇرۇش ماقالىسى بېسىلغان ئىدى.