ۋاڭ لېچۈەن ›داگوڭباۋ گېزىتى‹ نىڭ مۇخبىرلىرىنى قوبۇل قىلغاندا، ›شەرقىي تۈركىستان تېررورچى – بۆلگۈنچى تەشكىلاتلىرى ئولىمپىك جەريانىدا ئۈچ قېتىم تېررورلۇق ۋەقەسى چىقىرىپ قاتتىق باستۇرۇلغاندىن كېيىن، قايتا ۋەقە چىقىرالمىدى. ئەمما يېقىندا يەنە 4 ئالى مەكتەپتە ئىككى قېتىم تەشۋىق ۋارىقى تارقىتىپ، ئوقۇغۇچىلارنى تېررورلۇق ۋەقەسى چىقىرىشقا كۈچكۈرتتى. يېقىندىكى بۇ ئىككى قېتىملىق ۋەقەگە رابىيە قادىر ئۆزى قوماندانلىق قىلدى،‹ دېگەن.
ﻣﯘﺧﺒﯩﺮﯨﻤﯩﺰ ﯞﻩﻟﻰ
2009.02.14
خىتاينىڭ ›شىنجاڭ خەۋەر تورى‹ دا بايان قىلىنىشىچە، ۋاڭ لېچۈەن سۆزىدە ›خىتايغا قارشى غەرب كۈچلىرى شىنجاڭنى پارچىلاپ چىقىپ كەتمەكچى بولىۋاتىدۇ’، ›بۇنىڭدىن كېيىن يەنە ۋەقە چىقمايدۇ دەپ خام خىيال قىلىشقا بولمايدۇ، بۇ دۈشمەنلەرگە قارشى كۈرەش قىلىش كېرەك‹ دەپ تەكىتلىگەن.

خوڭكوڭدا چىقىدىغان ›داگوڭباۋ گېزىتى‹ نىڭ مۇخبىرى ياڭ چىڭلىننىڭ بېيجىڭدىن خەۋەر قىلىشىچە، ۋاڭ لېچۈەن 2 ‏ – ئاينىڭ 10 ‏ – كۈنىدىن 12 ‏ – كۈنىگىچە، ›داگوڭباۋ گېزىتى‹ نىڭ مۇخبىرلىرىنى ئۇدا بىر نەچچە قېتىم قوبۇل قىلغان. ئۇ ھەر قېتىم قىلغان سۆزىدە ›ئۈچ خىل كۈچلەرگە زەربە بېرىش‹ نى كۈچەيتىپ، ›شىنجاڭنى تەرەققى قىلدۇرۇش‹ نى تېزلىتىدىغانلىقىنى ئىپادىلىگەن.