ئامېرىكا، كانادا، گېرمانىيە، بېلگىيە، گوللاندىيە، نورۋېگىيە ۋە تۈركىيىدىكى ئۇيغۇر تەشكىلاتلىرى تەرىپىدىن ئوخشاش بىر كۈندە ئۆتكۈزۈلگەن خاتىرىلەش پائالىيەتلىرى، ئالدى بىلەن خىتاي ئەلچىخانىلىرى ئالدىدا نارازىلىق نامايىشى ئۆتكۈزۈش ۋە بۇندىن 12 يىل ئىلگىرى يۈز بەرگەن » غۇلجا ۋەقەسى» دە خىتاي قوراللىق قىسىملىرى تەرىپىدىن ئېتىپ ئۆلتۈرۈلگەن ئۇيغۇر ياشلىرى ئۈچۈن خەتمە قۇرئان ئۆتكۈزۈش ھەمدە شۇ يىلى ئۇيغۇر ياشلىرىنىڭ ئەركىنلىكىنى قولغا كەلتۈرۈش يولىدا ئېلىپ بارغان ئەھمىيەتلىك ئىش ‏ – پائالىيەتلىرىنى ئەسلەش قاتارلىق شەكىللەردە داۋاملاشماقتا.

ئۇيغۇرلار، 12يىلدىن بۇيان ھەر يىلى 5 ‏ – فېۋرال غۇلجا ۋەقەسىنى خاتىرىلەش پائالىيىتى ئۆتكۈزۈپ كەلمەكتە، ئۇيغۇر مىللى ھەرىكىتىنىڭ رەھبىرى، دۇنيا ئۇيغۇر قۇرۇلتىيىنىڭ رەئىسى رابىيە قادىر خانىم بۈگۈن قاتتىق سوغۇققا قارىماي، ۋاشىنگتوندا ئۆتكۈزۈلگەن نامايىشقا قاتنىشىپ نوتۇق سۆزلىدى.