2005.10.20
ئۇيغۇر كىشىلىك ھوقۇق ۋە دېموكراتىيە ھەرىكىتىنىڭ رەھبىرى رابىيە قادىر خانىمنىڭ بىر قانچە ھەپتىدىن بۇيان ياۋروپادىكى بىر قىسىم مەملىكەتلەردە ئېلىپ بېرىۋاتقان ئۇيغۇر كىشىلىك ۋە دېموكراتىيە ھوقۇق مەسىلىلىرىنى خەلقئارا جەمئىيەتكە تونۇشتۇرۇش پائالىيەتلىرى زور ئۈنۈملەرگە ئېرىشتى.
دۇنيا ئۇيغۇر قۇرۇلتىيى بۇ مۇناسىۋەت بىلەن رابىيە قادىر خانىمنىڭ پائالىيەتلىرىنىڭ مۆلچەرلىگەندىنمۇ كۆپ نەتىجىلەرگە ئېرىشىپ، شەرقىي تۈركىستان دەۋاسىنى تېخىمۇ بىر بالداق يۇقىرى كۆتۈرگەنلىكىنى مۇئەييەنلەشتۈرۈپ، يۇقىرى باھا بەردى. بۇ ھەقتىكى مەلۇماتلارنى گېرمانىيىدىكى ئىختىيارى مۇخبىرىمىز ئەكرەمدىن ئاڭلاڭ.