ئۇيغۇر مىللىي ھەرىكىتىنىڭ رەھبىرى رابىيە قادىر خانىم 2012-يىلىنىڭ ئاخىرلىشىپ، 2013-يىلىنى كۈتۈۋېلىش مۇناسىۋىتى بىلەن پۈتۈن ئۇيغۇر خەلقىنى يېڭى يىل بىلەن تەبرىكلىدى ھەمدە ئۆزىنىڭ يېڭى بىر يىلدىكى ئۈمىد-ئارزۇلىرىنى ئىپادە قىلدى.
مۇخبىرىمىز ئۈمىدۋار
2012.12.31
rabiye-xanim-picnic-305.jpgئامېرىكا ئۇيغۇر بىرلەشمىسىنىڭ ئۇيۇشتۇرۇشى بىلەن ئۆتكۈزۈلگەن ۋاشىنگتون ئەتراپىدىكى ئۇيغۇرلارنىڭ دالا سەيلىسى. 2011-يىلى 23-ئاپرېل، ۋاشىنگتون.

ئۇ، سۆزىدە 2012-يىلىدا دۇنيا ئۇيغۇر قۇرۇلتىيىنىڭ خەلقئارا سەھنىلەردە زور نەتىجىلەرنى قولغا كەلتۈرگەنلىكىنى تەكىتلىدى شۇنىڭدەك يەنە ئۆز خەلقىنىڭ كۈتكەن ئارزۇ -ئارمانلىرىنىڭ ئەمەلگە ئېشىشىغا بولغان تىلەكداشلىقى ۋە ئۇيغۇر خەلقىنىڭ كىشىلىك ھوقۇقلىرى ھەم ئەركىنلىكى يولىدىكى خەلقئارالىق پائالىيەتلەرنى تېخىمۇ كۈچەيتىپ، ئىتتىپاقلىقنى ئاشۇرۇپ، يېڭى مۇۋەپپەقىيەتلەرنى قولغا كەلتۈرۈش ئۈمىدىنى ئوتتۇرىغا قويدى.