2012.07.15
5 – نۆۋەتلىك ئۇيغۇر ئاياللىرىنى دېموكراتىيە ۋە ئىنسان ھەقلىرى بىلەن تەربىيىلەش كۇرسىنڭ ئايال ۋەكىللىرى ۋە باشقا قاتناشقۇچىلاريىغىن زالىدا ئېچىلىش مۇراسىمىغا ئوخشاپ كېتىدىغان بىر مۇراسىم ئۆتكۈزۈلدى. يىغىندا تۈركىيە پارلامېنت ئەزاسى رۇخسار دەمىرەل خانىم، سابىق پارلامېنت ئەزاسى تۈرك دۇنياسى ئاياللار جەمىيىتى رەئىسى شەنول بال خانىم، تۈرك دۇنياسى ئىسنان ھەقلىرى جەمىيىتى رەئىسى ئابدۇللاھ بۇكسۇر ئەپەندى، د ئۇ ق مۇئاۋىن رەئىسى سېيىت تۈمتۈرك ئەپەندى، ئۆمەر قانات ئەپەندى، خايرۇللاھ ئەپەندىلەر سۆز قىلدى. تۈرك پارلامېنتـت ئەزالىرى ئۇيغۇر ئايال ۋەكىللەرگە سالام بېرىش بىلەن بىرلىكتە، تۈركىيە ھۆكۈمىتىنىڭ بۇ يىغىننى چەكلىگەنلىكىدىن ئەپسۇسلانغانلىقىنى، ھۆكۈمەتنىڭ بۇ قىلغانلىرىنى ئەيىبلەيدىغانلىقىنى ئېيتىشتى.
ئارقىدىن ۋەكىللەر تۈركىيە پارلامېنتىنى ئېكىسكۇرسىيە قىلدى. ئېكىسكۇرسىيىدىن كېيىن مىللەتچى ھەرىكەت پارتىيىسى باشلىقى دۆلەت باغچەلى ئەپەندى نامىدىن پارتىيىنىڭ مۇئاۋىن رەئىسى دەۋلەت شاندىر ئەپەندى زىياپەت بەردى. ئارقىدىن پۈتۈن ئۇيغۇر ئايال ۋەكىللەر تۈركىيە جۇمھۇرىيەتىنىڭ قۇرغۇچىسى مۇستافا كەمال ئاتاتۈركنىڭ خاتىرە سارىيىنى زىيارەت قىلدى. شۇنىڭ بىلەن 15 ئىيۇلدىكى پائالىيەت ئاخىرلاشتى. بىز بۇ پائالىيەتلەر ھەققىدە تېخىمۇ تەپسىلى مەلۇمات ئېلىش ئۈچۈن نەق مەيداندا سۆھبەت ئېلىپ باردۇق.