رابىيە خانىم سۆزىدە يەنە، شۇنىڭدىن بۇيان خىتاي يەنە بۇ ئىرقىي قىرغىنچىلىقنى «ئۈرۈمچى ۋەقەسىنىڭ گۇماندارلىرىنى قوغلاپ تۇتۇش» دېگەن نام بىلەن كەڭ دائىرىدە داۋاملاشتۇرۇۋاتىدۇ، بۇ جەرياندا قاتىللارنى تۇتماي بەلكى بىگۇناھ ئۇيغۇرلارنى ھەرخىل باھانە-سەۋەب بىلەن تۇتقىن قىلىش، باستۇرۇشنى داۋاملاشتۇرۇۋاتىدۇ، خىتاي ھازىر ئىرقىي قىرغىنچىلىقنى ئۇيغۇر ئۆسمۈرلىرىگە كېڭەيتتى، 12 ياشلىق مىرزاھىد ئامانۇللانى قولغا ئېلىپ تۈرمىگە تاشلاپ، قىناپ ئۆلتۈرگەنلىكى بۇنىڭ تېپىك مىسالى، دەپ كۆرسەتتى.

شۇنداقلا، رابىيە خانىم ۋەتەندىكى ۋە چەتئەللەردە تۇرۇۋاتقان ئۇيغۇرلارنى، خىتاي ئۈچ يىلدىن بۇيان ئۇيغۇرلارغا قارىتا داۋاملاشتۇرۇۋاتقان ئىرقىي قىرغىنچىلىقنى پاش قىلىپ، دۇنياغا يېيىشقا چاقىردى.